ԱՄՆ-ում ֆենտանիլի գերդոզավորումից մահերի թիվն աճել է ավելի քան երեք անգամ
ԱՄՆ-ում սինթետիկ օփիոիդային ֆենտանիլի գերդոզավորումից մահերի թիվը 2016-ից 2021 թվականներին աճել է ավելի քան երեք անգամ: Այս մասին ասվում է ԱՄՆ Հիվանդությունների վերահսկման եւ կանխարգելման կենտրոնի (CDC) զեկույցում, փոխանցում է Reuters-ը։
Զեկույցը ցույց է տվել, որ ֆենտանիլի օգտագործման հետ կապված թմրանյութերի գերդոզավորումից մահացության մակարդակը 2016 թվականին 100 հազար մարդու հաշվով 5,7-ից աճել է մինչեւ 21,6՝ 2021 թվականին:
Ինչպես նշում է Reuters-ը, 2016-ից 2021 թվականներին մետամֆետամինի գերդոզավորումից մահացությունների թիվն աճել է ավելի քան չորս անգամ, իսկ կոկաինի գերդոզավորումից մահացությունների թիվն աճել է ավելի քան երկու անգամ:
Ուսումնասիրության ընթացքում օքսիկոդոնից եւ հերոինից մահացությունը փոքր-ինչ նվազել է: Զեկույցի համաձայն՝ հերոինից մահացությունը 2016 թվականին 100 հազար մարդու հաշվով 4,9-ից նվազել է մինչեւ 2,9՝ 2021 թվականին:
2016 թվականին 100 հազար մարդուց մոտ երկուսը մահացել են օքսիկոդոնի գերդոզավորման պատճառով։ 2021 թվականին այդ ցուցանիշը 100 հազար մարդուց նվազել է մինչեւ մեկուկես։
ԱՄՆ նախագահ Ջո Բայդենի վարչակազմը պնդում է գործողություններ ձեռնարկել, քանի որ կառավարությունը գնահատում է, որ ԱՄՆ-ում թմրանյութերի գերդոզավորումից մահացությունների թիվը 2021 թվականին գերազանցել է 100 հազարը:
Ֆենտանիլը ուժեղ օփիոիդ է, որն օգտագործվում է որպես ցավազրկող դեղամիջոց: Այն ափիոնի արհեստական անալոգն է, բայց ունի ավելի հզոր ազդեցություն եւ պատկանում է սինթետիկ օփիոիդների խմբին:
Ֆենտանիլը օգտագործվում է ուժեղ ցավի ախտանիշները թեթեւացնելու համար, օրինակ, քրոնիկ նյարդաբանական հիվանդությունների ժամանակ կամ քաղցկեղի տերմինալ փուլերում պալիատիվ օգնության շրջանակում։
Ֆենտանիլը՝ որպես թմրանյութ, 50 անգամ ուժեղ է հերոինից եւ 100 անգամ ուժեղ՝ մորֆինից։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...