Արագածոտնի մարզում շարունակվում է Ապարանի քաղաքապետի և Արագածոտնի նախկին փոխմարզպետի՝ միմյանց նկատմամբ հաշվեհարդարը
Հայաստանի Քննչական կոմիտեի Արագածոտնի մարզային քննչական վարչությունում, ՀՀ Քրեական օրենսգրքի 297 հոդվածի 2-րդ մասի հատկանիշներով, նախաձեռնվել է քրեական վարույթ: Այս մասին հայտնում է SHAMSHYAN.com-ը:
Նշված քրեական գործը հարուցվել է մարտի 26-ին, Արագածոտնի մարզում տեղի ունեցած վիճաբանություն ծեծկռտուքի փաստով:
Հարուցված քրեական գործի շրջանակում Ոստիկանության Ապարանի բաժնում օպերատիվ տեղեկություններ են ստացվել, որ այդ օրը, ժամը 16:00-ի սահմաններում, Ապարան քաղաքի Բաղրամյան փողոցում տեղի ունեցած վիճաբանությունից հետո Արագածոտնի մարզի բնակիչ 43-ամյա Էդգար Փարվանյանն իր ընկերոջ՝ Արագածոտնի մարզի բնակիչ, 41-ամյա Հարություն Ղազարյանի հետ, Է. Փարվանյանի անձնական օգտագործման Honda մակնիշի ավտոմեքենայով, երթևեկելու ժամանակ վերջիններիս հետապնդել են Արագածոտնի մարզի բնակիչներ 43-ամյա Կարեն Եղիազարյանը, ով Գ. Շամշյանի տեղեկություններով «Գնդունիկցի Կարեն» մականվամբ Ապարան խոշորացված համայնքի ղեկավարն է, 45-ամյա Հայկ Եղիազարյանը, 45-ամյա Սեպուհ Հովհաննիսյանը, 42-ամյա Ռոման Ենոքյանը, 48-ամյա Քոչար Գալստյանը, 39-ամյա Անդրանիկ Արշակյանը և 39-ամյա Արթուր Սարգսյանը Ապարան-Քուչակ ճանապարհին կանգնեցրել են Է. Փարվանյանի ավտոմեքենան (Գ. Շամշյանի տեղեկություններով վերջինս Արագածոտնի նախկին փոխմարզպետն է), ծեծի են ենթարկել նրան և Հ. Ղազարյանին, ապա այն վերածվել է փոխադարձ հարվածներ հասցնելու, ինչի արդյունքում էլ Ա. Արշակյանը և Ք. Գալստյանը ստացել են մարմնական վնասվածքներ:
Ինչպես ավելի վաղ հայտնել է SHAMSHYAN.com-ը, մարտի 26-ին միջադեպ էր տեղի ունեցել Արագածոտնի մարզում։ Մասնակիցների մեջ էր Արագածոտնի նախկին փոխմարզպետ, Արագածոտնի մարզի բնակիչ, 43-ամյա Էդգար Փարվանյանը:
Ինչպես հայտնում էր ֆոտոլրագրող Գագիկ Շամշյանը, այդ օրը ՀՀ Ներքին գործերի նախարարության Ոստիկանության Ապարանի բաժնում օպերատիվ տեղեկություններ էին ստացվել, որ նույն օրը, ժամը 18:00-ի սահմաններում, Ապարան քաղաքի Բաղրամյան փողոցում՝ «Բեկո» խանութի դիմաց, ավտոմեքենայի ձայնային ազդանշան տալու հարցի շուրջ վիճաբանություն էր տեղի ունեցել Է. Փարվանյանի և Արագածոտնի մարզի բնակիչ, 28-ամյա Գրիգոր Եղիազարյանի միջև:
Ըստ օպերատիվ տեղեկությունների՝ վիճաբանության ժամանակ Է. Փարվանյանը Գ. Եղիազարյանի հասցեին մի քանի անգամ հնչեցրել էր «վիզդ կկտրեմ» արտահայտությունը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...