Մենք նորանոր անհաջողություններ ենք կրելու, քանի դեռ մեր բանակցողները իրենք են. Տաթևիկ Հայրապետյան
Նախկին պատգամավոր, ադրբեջանագետ Տաթևիկ Հայրապետյանն իր ֆեյսբուքյան էջում գրել է.
«Ի՞նչ են բանակցում Վաշինգտոնում
Ինչպես հայտնի է Վաշինգտոնում ընթանում են ՀՀ—ի ու Ադրբեջանի ԱԳՆ ղեկավարների միջև բանակցություններ ԱՄՆ միջնորդությամբ: Բնականաբար, հայկական կողմը լղոզված ձևակերպումներ է տալիս բանակցությունների բնույթի մասին: Բայց «Ամերիկայի ձայնը» երեկ հրապարակել էր հոդված, որտեղ պետքարտուղարության ներկայացուցիչը հայտնել էր. «Համապարփակ համաձայնագրի շուրջ ընթացող բանակցություններում կողմերի միջև քննարկվող հարցերից մեկն է վերաբերմունքը էթնիկ փոքրամասնությունների նկատմամբ երկու երկրներում, որն անդրադառնում է էթնիկ փոքրամասնությունների իրավունքներին ու անվտանգությանը...»:
Հետո նյութը հեռացվեց էջից, բայց ինձ մոտ պահել եմ այդ հատվածի սքրինշոթը:
Այսպես, սա նշանակում է՝
—ՀՀ–ն համաձայն է դիտել Արցախի հայերին որպես էթնիկ փոքրամասնություն Ադրբեջանի կազմում;
—Խոսվում է ՀՀ կամ ինչպես իրենք են մեր երկիրը կոչում՝ «Արևմտյան Ադրբեջան» ադրբեջանցների գալու մասին, այդ թեզը ակտիվ շրջանառում է ադրբեջանական կողմը:
Եթե սա այն կետերից մեկն է, ինչ պատրաստվում են մի շաբաթ բանակցել Վաշինգտոնում, ապա նշանակում է Հայաստանը ոչ միայն վտանգում է մեր 120,000 հայերի կյանքը, այլ ամբողջ ՀՀ գոյությունն առհասարակ:
Ադրբեջանը դա պետական մակարդակով հայերի դեմ ռասիզմ քարոզող պետություն է, երկիր, որտեղ քնած հային կացնահարելը հերոսություն է, իսկ հայ կին զինծառայողին անդամահատելն ու դա տեսանկարելը գովասանքի արժանի քայլ: Փաստերը անսպառ են: Ավելին, նույն ՀՀ–ն է հայց ներկայացրել Ադրբեջանի դեմ ՄԱԿ–ի դատարան՝ ընդդեմ ռասիզմի:
Իհարկե, ՀՀ իշխանությունների բանակցածից, ցավոք, որևէ դրական ակնկալիք ունենալ հնարավոր չի, նրանք վաղուց են ապացուցել, որ մեր երկրի շահերը չեն սպասարկում, բայց որ նման կետի կհասցնեն բանակցությունները վերջին երեք տարվա մեջ, դրա համար առանձնահատուկ տաղանդ է պետք:
Ցավոք, իսկապես որտեղ էլ բանակցեն՝ Մոսկվայում, Վաշինգտոնում կամ Բրյուսելում, մենք միայն նորանոր անհաջողություններ ենք կրելու, քանի դեռ մեր բանակցողները իրենք են:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին