Արևմուտք-Ռուսաստան այս սրացող հարաբերությունների ֆոնին երկու կողմերից տարատեսակ գնահատականներ էին հնչում ԵՄ առաքելության վերաբերյալ
Այսօր ԱԺ եվրոպական ինտեգրման հարցերի մշտական հանձնաժողովի նիստում ՀՀ արտաքին գործերի փոխնախարար Պարույր Հովհաննիսյանը «Հայաստանի Հանրապետության կառավարության ծրագրի (2021-2026 թթ.) 2022 թվականի կատարման ընթացքի և արդյունքների մասին» զեկույցը ներկայացնելուց հետո, անդրադարձավ նաև ՀՀ-ում ԵՄ առաքելության տեղակայման վերաբերյալ հարցին, որը նրան ուղղեց ԱԺ «Հայաստան» խմբակցության պատգամավոր Ագնեսա Խամոյանը։
«Դուք գիտեք, որ Արևմուտք-Ռուսաստան այս սրացող հարաբերությունների ֆոնին երկու կողմերից տարատեսակ գնահատականներ էին հնչում ԵՄ առաքելության վերաբերյալ։ Ռուսաստանը դա ընկալում է, և պաշտոնական մակարդակում գնահատականներ են հնչում, որ դա ընկալում է՝ որպես իր դեմ արված քայլ։ Արևմուտքից մեկնաբանություններ են հնչում նաև, որ դա Ռուսաստանի դեմ է իրականացվում՝ զսպող ինչ-որ հանգամանք է։ Դուք ասացիք, որ ԵՄ առաքելությունը նպաստեց և զսպող դեր խաղաց։ Կխնդրեմ, այս գնահատականների վերաբերյալ Ձեր մեկնաբանությունն ասեք, և ինչպե՞ս նպաստեց բառի բացվածքը տվեք»,- նշեց Ագնեսա Խամոյանը։
Պատասխանելով հարցին՝ Պարույր Հովհաննիսյանն ասաց, որ իսկապես ԵՄ առաքելության տեղակայումն առաջացրեց որոշակի հարցեր, և դրա ուղղությամբ շարունակում են բացատրական աշխատանքներ տանել։
«Բացատրում ենք, թե ինչն է պատճառը և ինչն է առաքելության նպատակները, կարող ենք արդեն օրինակներ բերել, օրինակ, Իրանի դեպքում, որը նույնպես շատ զգայուն է տարածաշրջանում առաքելությունների ստեղծման հարցի նկատմամբ, նրա կողմից բավականին դրական արձագանք հնչեց։ Սա ցույց է տալիս, որ բացատրական աշխատանքների դեպքում ընկալումն այլ է։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները