Կանխվել է մի խումբ երիտասարդների մասնակցությամբ շարունակվող «ռազբորկան»․ կան բերման ենթարկվածներ
Ոստիկանության աշխատակիցները Երևանում կանխել են մի խումբ անձանց, այդ թվում՝ անչափահասների, մասնակցությամբ «ռազբորկան» ու ծեծկռտուքը։
Shamshyan.com-ի հաղորդմամբ, 1 օր առաջ Երևանի Հերացու անվան թիվ 1 համալսարանական հիվանդանոցից Ոստիկանության Արաբկիրի բաժին ահազանգ է ստացվել, որ «որովայնի առաջնային պատի, կրծքավանդակի պատռած վերք և հետույքի շրջանի ծակած վերք» ախտորոշմամբ իրենց մոտ բուժօգնության է տեղափոխվել մի քաղաքացի, ով տեղում առաջին բուժօգնությունը ստանալով, նշված հիվանդանոցից շտապօգնության բժիշկների խմբի կողմից ռեանիմոբիլով տեղափոխվել է «Սուրբ Աստվածամայր» բժշկական կենտրոն։
Մինչ բժիշկները պայքարում էին վիրավորի կյանքի համար, ինչը նրանց հաջողվել է, ոստիկանները պարզել են, որ վիրավորը Երևանի բնակիչ 20-ամյա Արսեն Մ․-ն է, ով բժիշկներին հայտնել է, որ վնասվածքները ստացել է Արաբկիր վարչական շրջանում գտնվող շենքի մոտ վայր ընկնելու հետևանքով։
Կարճ ժամանակում Ոստիկանության Երևան քաղաքի վարչության և Ոստիկանության Արաբկիրի բաժնի ծառայողները տաք հետքերով պարզել են, որ 1 օր առաջ Երևանի բնակիչեր 15-ամյա Սամվել Մ․-ն, 16-ամյա Հովիկ Ա․-ն ծեծի են ենթարկել ոմն Թաթոսին և Մեսրոպին, որից հետո նշված ծեծկռտուքի համար պարզաբանումներ կատարելու նպատակով հաջորդ օրը, Վահրամ Փափազյան փողոցի 8 հասցեի մոտ Սամվել Մ․-ի եղբայրը՝ Երևանի բնակիչ 18-ամյա Եղիշե Մ․-ն, իր ընկերներ՝ Արսեն Մ․-ի, Երևանի բնակիչներ 19-ամյա Էդգար Ե․-ի, 18-ամյա Արման Ս․-ի, 19-ամյա Գարեգին Բ․-ի, 20-ամյա Էմիլ Հ․-ի, 18-ամյա Լևոն Ա․-ի, 19-ամյա Սամվել Ա․-ի, 18-ամյա Սարգիս Բ․-ի, 18-ամյա Դավիթ Հ․-ի հետ հանդիպել են Երևանի բնակիչ 20-ամյա Սամվել Կ․-ի և վերջինիս ընկերների հետ, որի ժամանակ վիճաբանությունը վերածվել է ծեծկռտուքի, միմյանց հասցեին հնչեցրել են հայհոյանքներ, այդ կերպ խախտելով հասարակական կարգը, և այդ վիճաբանության ընթացքում Արսեն Մ․-ին պատճառվել է մարմնական վնասվածքներ։
Կայքի տեղեկություններով՝ ոստիկաններին հաջողվել է կռվի մասնակիցների մի մասին հայտնաբերել, մյուսների ինքնությունն էլ պարզվել է, և ժամանակի խնդիր է նրանց հայտնաբերելու գործը։
Հայտնաբերված և ոստիկանության Արաբկիրի բաժին տեղափոխված անձինք ներկայացվել են Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժին, որտեղ դեպքի փաստով նախաձեռնվել է քրեական վարույթ։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...