ՀՅԴ օրակարգում է Փաշինյանի գլխավորած իշխանության հեռացումն ու ՀՀ-ում ազգային իշխանության ձևավորումը. ՀՅԴ
Փետրվարի 8-ին Երևանում` ՀՅԴ «Արամ Մանուկյան» երիտասարդական կենտրոնի մեծ դահլիճում, ՀՅԴ Բյուրոյի ներկայացուցիչ Հակոբ Տեր-Խաչատուրյանը ՀՅԴ Հայաստանի Գերագույն մարմնի նախաձեռնությամբ հանդիպել է ՀՅԴ Հայաստանի կառույցի մարմինների ներկայացուցիչների հետ։
ՀՅԴ-ից հայտնում են, որ հանդիպմանը ՀՅԴ Բյուրոյի ներկայացուցիչը ներկայացրել է աշխարհաքաղաքական զարգացումները և դրանց ազդեցությունները Հայաստանի վրա։ Բանախոսն անդրադարձել է ինչպես համընդհանուր զարգացումներով պայմանավորված իրողություններին, այնպես էլ առանձին երկրներում ստեղծված իրավիճակների վերլուծությամբ ներկայացրել հայկական համայնքների խնդիրներն ու կարիքները։
Հանդիպման օրակարգում գլխավոր հարցերից մեկը հանդիսացել է Արցախի շուրջ ստեղծված իրավիճակը։ Հակոբ Տեր-Խաչատուրյանը հանգամանորեն անդրադարձել է Արցախյան հիմնախնդրին և այդ համատեքստում ներկայացրել ՀՅ Դաշնակցության աշխարհասփյուռ կառույցի, ՀՅԴ Հայ դատի գրասենյակների, հանձնախմբերի, ուղեկից միությունների կատարած աշխատանքները, որոնք ամբողջությամբ ուղղված են թե՛ Արցախի ապաշրջափակմանն ու սոցիալական կարիքներին օժանդակելուն, թե՛ Թուրքիայի և Ադրբեջանի վրա գործադրվող ճնշումներին, թե՛ Արցախյան հիմնահարցի կարգավորման հայանպաստ ձևաչափերի վերականգնմանը։
ՀՅԴ Բյուրոյի ներկայացուցիչը փաստել է, որ Դաշնակցության խնդիրը եղել և մնում է Հայաստան-Արցախ-Սփյուռք եռամիասնության, իբրև համահայկական մեկ ամբողջության, վերականգնումը, և ողջ ջանքերն առաջիկայում ուղղված են լինելու այդ նպատակին։
Հակոբ Տեր-Խաչատուրյանը փաստել է, որ Դաշնակցությունն իր աշխատանքների ընթացքում մշտական կապի մեջ է Արցախի ղեկավարության և պատասխանատու պաշտոնյաների հետ։ Հակառակ դրան՝ ՀՅԴ-ն շարունակում է արմատական հակասությունների մեջ գտնվել ՀՀ գործող իշխանությունների հետ, և, ՀՀ իշխանությունների հակապետական, հակաարցախյան և հակազգային քայլերի ու ծրագրերի չեզոքացմանը զուգահեռ, Դաշնակցության օրակարգում է Փաշինյանի գլխավորած իշխանության հեռացումն ու ՀՀ-ում ազգային իշխանության ձևավորումը։
Բյուրոյի ներկայացուցիչը պատասխանել է նաև ներկաներին հետաքրքրող հարցերին՝ տալով լրացուցիչ պարզաբանումներ։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...