Նեյմարը վերադարձել է Բրազիլիա եւ կմասնակցի Պելեի հուղարկավորությանը

Բրազիլիայի հավաքականի եւ Ֆրանսիայի չեմպիոն ՊՍԺ-ի հարձակվող Նեյմարը հունվարի 1-ի ուշ երեկոյան ժամանել է Բրազիլիայի Գուարուժու քաղաք։ Սպասվում է, որ նա ներկա կլինի աշխարհի եռակի չեմպիոն Պելեի հուղարկավորությանը, հաղորդում է L’Équipe-ը։

Նեյմարը որակազրկման պատճառով բաց թողեց Ֆրանսիայի առաջնության հանդիպումը «Լանսի» դեմ։ ՊՍԺ-ին պարտվեց 1:3 հաշվով։

Պելեն մահացել է դեկտեմբերի 29-ին 82 տարեկանում։ Բրազիլիայում եռօրյան սուգ էր։ Պելեի հուղարկավորությունը տեղի կունենա հունվարի 3-ին Սանտուսում։ Նախքան այդ մեկ օր երկրպագուները հնարավորություն կունենան «Սանտոսի» ստադիոնում վերջին հրաժեշտ տալ ֆուտբոլի արքային։