Եթե որեւէ դեպք պատահի ինձ հետ, իմ ընտանիքի անդամների կամ հարազատներիս հետ. Ռուբեն Վարդազարյանը դիմել է նախաքննական մարմնին

Եթե որեւէ դեպք պատահի ինձ հետ, իմ ընտանիքի անդամների կամ հարազատներիս հետ՝ դա կլինի, օրինակ, վթար, վրաերթ, վստահ եմ՝ կգտնեք մեղավորներին: Այս մասին հայտարարել է ԲԴԽ նախագահ Ռուբեն Վարդազարյանը:

«Այս ձայնագրությունը հանրայնացնելը, երեւի թե իմ ողջ կյանքում ամենաբարդ որոշումն է եղել։ Տարիուկես այս ձայնագրությունը չեմ հրապարակել, այն պարզ պատճառով, որ սպասել եմ Բարձրագույն դատական խորհուրդը այնքան ողջամիտ լինի, որ ծայրահեղ քայլի չի դիմի, ցանկալի չեմ համարել կամ չեմ ուզել, որ այս ձայնագրությունը բարձրաձայնվի եւ հանրայնացվի։ Բայց այն ցինիզմը, որ տեղի ունեցավ Բարձրագույն դատական խորհրդի նիստում, ինձ թույլ տվեց վստահաբար որոշումը կայացնել, որ սա պետք է հրապարակվի։ Եւ զգուշացնում եմ նախաքննական մարմիններին, որ ձայնագրությունը կատարվել է իմ խնդրանքով, շատ լավ իմացել եմ, որ գնում եմ հանդիպման եւ խնդրել եմ, որ ձայնագրվի իմ եւ Ջհանգիրյանի զրույցը»,- հայտարարել է Վարդազարյանը՝ հայտարարելով, որ ձայնագրության բնօրինակը եւ ձայնագրող սարքը Հայաստանի Հանրապետությունում չեն, մեր տանը չեն, ամառանոցում չեն։