Ինչպե՞ս սովորել հանգստանալ՝ էլ ավելի շատ չհոգնելու համար
Ընտանեկան հոգեբան Աննա Դեւյատկան «Մոսկվա-24»-ին պատմել է, թե ինչպես գտնել էներգիան վերականգնելու սեփական ուղին, վայելել առանց աշխատանքի անցկացրած ժամանակը եւ խուսափել դասական սխալներից։
Մասնագետի խոսքով՝ մարդու համար կարեւոր է պատասխանել հետեւյալ հարցերին. «Ի՞նչ եմ ուզում, ի՞նչն այդքան հաճելի կլինի անել՝ ինձ գոհ զգալու համար»:
«Գտնելու համար այն, ինչ ձեզ դուր է գալիս, պետք է փորձել ու ուսումնասիրել ժամանցի հասանելի տարբերակները: Ինչ-որ մեկը սպորտ է սիրում, ինչ-որ մեկը՝ ամառանոցում խորոված անել, իսկ ոմանք հանգստանալու համար միջավայրի փոփոխության կարիք ունեն»,- խորհուրդ է տվել ընտանեկան հոգեբանը։
Եթե մարդն աշխատավայրում շատ է շփվում, ապա նրան երբեմն պետք է մենակ մնալ՝ էմոցիոնալ առումով վերականգնվելու համար:
Աուտիստիկ հանգստի տեսակներն են անտառային զբոսանքները, երբ շուրջը միայն բնություն է, եւ, թիթեռներից ու թռչուններից բացի, ուրիշ ոչ ոք չկա։ Ինչ-որ մեկը սիրում է լողալ գետի երկայնքով կամ լողավազանում, երբ կարող ես լինել քո մտքերի հետ եւ ոչ մեկի հետ չխոսել:
Համառ գովազդը, ընկերների եւ ծնողների խորհուրդներն արձակուրդի մասին՝ այդ ամենը շփոթեցնող է: Երբեմն թվում է, թե ուրիշներն ամենալավը գիտեն, թե ինչ է ձեզ հարկավոր: Բայց դա այդպես չէ: Զուր անցկացրած օրերի համար ցավագին չզղջալու համար համոզվեք, որ հանգիստը բավարարում է ձեր կարիքները, իսկ դրանից հետո լավ տպավորություններ ունենաք, այլ ոչ թե՝ բեմադրված լուսանկարներ սոցցանցերի համար, նշել է ընտանեկան հոգեբանը։
Աննա Դեւատկան խորհուրդ է տվել լսել ինքներդ ձեզ եւ պարզել, թե որ փուլում եք հանգստի գործընթացի մեջ մտնում, պե՞տք է արդյոք մի քանի օր հանգստանալ տանը, թե՞ արդեն լի եք էներգիայով եւ պատրաստ զվարճանալու։
Այն վիճակը, որով մարդը սկսում է իր արձակուրդը, ազդում է նրա վրա, թե կոնկրետ ինչպիսի արձակուրդ է նրան հարմար: Տարածված սխալն ինքնախաբեությունն է, երբ մարդն ինքն իրեն համոզում է, որ լավ է, եթե նա արձակուրդում աշխատի: Այդ իրավիճակից կարելի էր խուսափել՝ նախապես պլանավորելով, թե ով է պատասխանատու լինելու աշխատանքային հարցերով ձեր բացակայության ընթացքում:
Լույսն ամենաթանկ նվերն է, որ կարող ես տալ մարդուն
Առաջին նոր երգ` հարսանիքից հետո
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Դեպի Երևան․ ինչպե՞ս (տեսանյութ)
Երթևեկության կազմակերպման փոփոխություն՝ Վարդանանց փողոցում
Առանձին շրջաններում սպասվում է կարճատեւ անձրեւ եւ ամպրոպ
Ով կներկայացնի Հայաստանն այս տարի «Մանկական Եվրատեսիլ» մրցույթում
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...