Ադրբեջանը ցանկանում է շարունակել մարդկության դեմ ուղղված իր հանցագործությունները ու Արցախից վտարել արցախցիներին․Բեգլարյան

Արցախում ձյուն է, ջերմաստիճանը` 0, եւ արդեն 5-րդ օրն է, ինչ 100.000 բնակչությունը զրկված է գազամատակարարումից, այդ թվում տաք ջրից ու ջեռուցումից:

Պատճառը ադրբեջանական կողմն է, որը թույլ չի տալիս ռուս խաղաղապահներին ու արցախցի մասնագետներին` մոտենալ Հայաստանից եկող միակ գազատարին ու վերանորոգել այն:

Իսկ գազատարը պայթել է` գտնվելով ադրբեջանական կողմի հսկողության ներքո:

Սրան զուգահեռ շարունակվում են քաղաքացիական բնակավայրերի գնդակոծությունները` մանր ու խոշոր տրամաչափի զինատեսակներից` խոչընդոտելով գյուղատնետսական աշխատանքների իրականացմանը:

Հետեւությունը մեկն է` Ադրբեջանը ցանկանում է շարունակել մարդկության դեմ ուղղված իր հանցագործությունները ու Արցախից վտարել արցախցիներին, իսկ մենք շատ ամուր ենք կանգնած մեր հինավուրց հողի վրա ու ոչ մի զրկանք չի սասանի մեր կամքը:

Նման հայտարարությամբ է հանդես եկել Արցախի պետնախարար Արտակ Բեգլարյանը։