«Ջենոայի» սեփականատերերը գնել են «Վասկո դա Գամա» ակումբը

Իտալական «Ջենոա» ֆուտբոլային ակումբի սեփականատեր 777 Partners ընկերությունը գնել է բրազիլական «Վասկո դա Գամա» ֆուտբոլային ակումբի բաժնետոմսերի 70 տոկոսը, հաղորդում է ակումբի մամուլի ծառայությունը։

Ընկերությունը կվճարի ակումբի բոլոր պարտքերը։ Առաջիկա երեք ամսում նոր սեփականատերերը համալիր ստուգում կանցկացնեն ակումբում եւ կներկայացնեն զարգացման ծրագիր։

777 Partners-ը «Ջենոան» գնել էր 2021թ. սեպտեմբերին՝ վճարելով 175 միլիոն եվրո։

777 Partners-ին պատկանում է նաեւ իսպանական «Սեւիլիայի» բաժնետոմսերի ոչ մեծ մասը։