«Ռեալը» նոր պայմանագիր կառաջարկի Վինիսիուսին

Մադրիդի «Ռեալը» ցանկանում է երկարաձգել պայմանագիրը հարձակվող Վինիսիուս Ժունիորի հետ։ Արքայական ակումբը ավելի բարձր աշխատավարձով նոր պայմանագիր կառաջարկի 21-ամյա բրազիլացի ֆուտբոլիստին, հաղորդում է ESPN-ը։

Նրա գործող պայմանագիրը նախատեսված է մինչեւ 2024թ. հունիս, «Ռեալը» ցանկանում է երկարաձգել մինչեւ 2027թ. հունիս։

2018-ին «Ռեալը» Վինիսիուսի համար բրազիլական «Ֆլամենգոյին» վճարել էր 35 միլիոն եվրո։ Այժմ նրա տրանսֆերային արժեքը գնահատվում է 100 միլիոն եվրո։

Իսպանիայի ընթացիկ առաջնությունում Վինիսիուսը մասնակցել է 21 հանդիպման, խփել 12 գոլ, կատարել 6 գոլային փոխանցում։ Չեմպիոնների լիգայի 6 խաղում նա դարձել է 2 գոլի եւ 4 գոլային փոխանցման հեղինակ։