Վենեսուելայի հավաքականի եւս մեկ խաղացող համալրեց «Փյունիկը»

«Փյունիկին» է միացել 27-ամյա վենեսուելացի կիսապաշտպան Ռենսո Սամբրանոն, հաղորդում է երեւանյան ակումբի կայքը։

Սամբրանոն նախկինում հանդես է եկել վենեսուելական «Մոնագասում», «Դեպորտիվո Լարայում» և իսպանական «Վալյադոլիդում»:

Վենեսուելացի ֆուտբոլիստի նախորդ թիմը եղել է ամերիկյան ՄԼՍ-ի ներկայացուցիչ «Պորտլենդ Թիմբերսը», որտեղ նա հանդես է եկել 2017-ից:

Ռենսո Սամբրանոն Վենեսուելայի ազգային հավաքականի ֆուտբոլիստ է, անցկացրել է 5 հանդիպում:
Նա այս օրերին գտնվում էր Վենեսուելայի հավաքականի տրամադրության տակ, սակայն թեթև վնասվածքի պատճառով դուրս է մնացել ընդհանուր հայտացուցակից և «Փյունիկին» է միացել հավաքականի ճամբարից։

Այս շաբաթ «Փյունիկին» էր միացել նաեւ 29-ամյա եզրային պաշտպան Ալեքսանդեր Գոնսալեսը, որը 58 խաղ է անցկացրել Վենեսուելայի հավաքականում, խփել 1 գոլ։