«Մանչեսթեր Սիթին» պայմանագիր կնքեց Արգենտինայի առաջնության լավագույն ռմբարկուի հետ

Արգենտինայի առաջնության լավագույն ռմբարկու Խուլիան Ալվարեսը դարձավ Անգլիայի չեմպիոն «Մանչեսթեր Սիթիի» խաղացող։ 22-ամյա ֆուտբոլիստը կատալոնացի Խոսեպ Գվարդիոլայի գլխավորած թիմի հետ կնքել է 5,5 տարվա պայմանագիր, հաղորդում է մանչեսթերյան ակումբի մամուլի ծառայությունը։

Խուլիան Ալվարեսը անգլիական ակումբ կտեղափոխվի ամռանը։ Մինչեւ այդ նա կես տարի վարձակալությամբ կշարունակի խաղալ «Ռիվեր Փլեյթում»։

Արգենտինայի անցած առաջնությունում Խուլիան Ալվարեսը մասնակցել է 21 հանդիպման, խփել 18 գոլ, կատարել 6 գոլային փոխանցում։

Transfermarkt-ը Ալվարեսի տրանսֆերային արժեքը գնահատում է 20 միլիոն եվրո։