Դատական ֆարսը շարունակվում է. Ադրբեջանում գերի ընկած հային ստիպել են «խոստովանել» նավթամուղի պայթեցման փորձը
Ադրբեջանում գերի ընկած հային ստիպել են «խոստովանել» նավթամուղի պայթեցման փորձը։
Ադրբեջանական լրատվամիջոցների փոխանցմամբ՝ այսօր Բաքվում տեղի է ունեցել ահաբեկչության մեջ մեղադրվող Հայաստանի քաղաքացիների՝ Սարգսյան Իշխանի եւ Ռաֆայելյան Վլադիմիրի քրեական գործով հերթական դատական նիստը։
Դատական նիստում, որը վարել է Գյանջայի ծանր հանցագործությունների դատարանի դատավոր Էլմին Ռուստամովը, դատախազը հրապարակել է մեղադրական եզրակացությունը։
Ըստ մեղադրանքի՝ Հայաստանի ՊՆ հատուկ նշանակության հետախուզական խմբի հրամանատար Ի. Սարգսյանը եւ որպես քաղաքացիական ինժեներ ծառայություն անցնող Վ. Ռաֆայելյանը 2021 թվականի մայիսի 7-ին «ապօրինի հատել են Ադրբեջանի պետական սահմանը՝ Քելբաջարի շրջանի ուղղությամբ։ Այնուհետեւ այդ անձինք, անցնելով Քելբաջարի շրջանի Յուխարի Այրիմ գյուղի տարածքով, ականապատել են այս տարածքում տեղակայված Ադրբեջանի ՊՆ ստորաբաժանումների մատակարարման ուղիները»։
Ավելորդ է ասել, թե ինչ ճնշումների են ենթարկվում հայ ռազմագերիները Ադրբեջանում, եւ ինչպես են նման «ցուցմունքները» կորզվում։
Դատական նիստում «վկաներ» են հարցաքննվել։ «Ամբաստանյալ Իշխան Սարգսյանն իր ցուցմունքում նշել է, որ 2021 թվականի մայիսի 24-ին հրամանատարությունից հրաման է ստացվել գնալ Սիսիան. «Մենք 022 հատուկ նշանակության ջոկատի զինվորներ էինք։ Հաջորդ օրը հրաման եկավ հետախուզություն կատարել, փակել ճանապարհները, ականապատել ու փշալարեր անցկացնել։ Հրամայվեց լուսանկարել այն տարածքը, որտեղ թաղված են ականները։ Մեզ հանձնարարվեց պայթեցնել նաեւ Բաքու-Թբիլիսի-Ջեյհան նավթամուղը։ Այնուհետեւ ադրբեջանցի զինվորները եկան եւ նախազգուշական կրակ բացեցին»,- մեջբերում են լրատվամիջոցները։
Դատավարությունը կշարունակվի հունվարի 24-ին։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները