Ռանգնիկ․ «Մանչեսթեր Յունայթեդի» հարձակման համար լավագույն խաղն էր իմ օրոք

«Մանչեսթեր Յունայթեդի» գերմանացի գլխավոր մարզիչ Ռալֆ Ռանգնիկը մեկնաբանել է 3։1 հաշվով հաղթանակը «Բարնլիի» նկատմամբ Անգլիայի առաջնության 20-րդ տուրի խաղում։

Ռանգնիկի օրոք «Մանչեսթեր Յունայթեդն» առաջին անգամ հաղթեց մեկից ավելի գոլի առավելությամբ։

«Իմ օրոք սա լավագույն խաղն էր մեր հարձակման համար, բայց դեռ շատ աշխատանք կա։ Մյուս օղակները նույնքան լավ չխաղացին։ Երբ գնդակը հայտնվում էր մրցակցի մոտ, նրանք շատ ազատ տարածություններ էին ունենում»,- Ռանգնիկի խոսքը մեջբերում է BBC-ն։

18 խաղից հետո «Մանչեսթեր Յունայթեդը» 31 միավորով 6-րդն է, «Բարնլին» 16 խաղում վաստակել է 11 միավոր եւ 18-րդն է։

Անգլիայի առաջնություն, 20-րդ տուր

«Մանչեսթեր Յունայթեդ» - «Բարնլի»՝ 3։1 

Սքոթ Մաքթոմինայ, 8, Բեն Մի, 27, ինքնագոլ, Կրիշտիանու Ռոնալդու, 35 - Աարոն Լենոն, 38