«Ինտերը» 4 տարվա պայմանագիր է առաջարկել Մատիաս Գինտերին

Միլանի «Ինտերը» չորս տարվա պայմանագիր է առաջարկել Մյոնխենգլադբախի «Բորուսիայի» 27-ամյա գերմանացի պաշտպան Մատիաս Գինտերին, որի պայմանագիրը գերմանական ակումբի հետ կավարտվի հաջորդ ամռանը, եւ նա կստանա ազատ գործակալի կարգավիճակ։ Գինտերը հրաժարվել է երկարաձգել պայմանագիրը «Բորուսիայի» հետ եւ ցանկանում է փոխել ակումբը։

Իտալական ակումբը Գինտերին առաջարկել է տարեկան 3 միլիոն եվրո աշխատավարձ, հաղորդում է twitter.com/NicoSchira-ն։

Գինտերը «Բորուսիայում» է 2017 թվականից։ Դրանից առաջ նա հանդես է եկել գերմանական «Ֆրայբուրգում» եւ Դորտմունդի «Բորուսիայում»։ Գերմանիայի ընթացիկ առաջնությունում նա մասնակցել է 15 հանդիման։ Գերմանիայի հավաքականի կազմում Գինտերը դարձել է 2014թ․ աշխարհի չեմպիոն։