ԱԱ. Նակամուրան վարակվել է կորոնավիրուսով, երկրորդ մրցումային օրվա մեկնարկը հետաձգվել է

Լեհաստանի մայրաքաղաք Վարշավայում անցկացվող շախմատի կայծակնային խաղի աշխարհի առաջնության երկրորդ մրցումային օրվա մեկնարկը հետաձգվել է։ Ամերիկացի գրոսմայստեր Հիկարու Նակամուրան վարակվել է կորոնավիրուսով։ Նա վատ ինքնազգացողություն է ունեցել։ Դրանից հետո է միայն թեստ հանձնել։

ՖԻԴԵ-ն հայտնել է, որ առավոտյան արած թեստերից մի քանիսի պատասխանները եւս դրական են։ Նակամուրան դուրս է մնացել պայքարից։ Սպասվում է, որ 13-րդ պարտիան կմեկնարկի Երեւանի ժամանակով 18։30-ին։

Հիշեցնենք, որ առաջին օրվա 12 տուրից հետո միանձնյա առաջատարը Լեւոն Արոնյանն է՝ 10 միավոր։