«Բավարիան» 50 միլիոն եվրոյով կգնի «Լիդսի» կիսապաշտպանին

Գերմանիայի չեմպիոն Մյունխենի «Բավարիան» հունվարի տրանսֆերային պատուհանի ժամանակ կգնի անգլիական «Լիդս Յունայթեդի» կիսապաշտպան Ռաֆինյա Դիասին, հաղորդում է TNT Sports-ը։

25-ամյա բրազիլացի ֆուտբոլիստի համար գերմանական ակումբը կվճարի 50 միլիոն եվրո։

Անգլիայի ընթացիկ առաջնությունում Ռաֆինյա Դիասը մասնակցել է 16 հանդիպման, խփել 8 գոլ։

Բրազիլիայի հավաքականի ֆուտբոլիստը բրազիլական «Ավայի» ակումբի սան է, հանդես է եկել նաեւ պորտուգալական «Վիտորիա Գիմարաեշում», «Սպորտինգում», ֆրանսիական «Ռենում»։ 2020թ․ հոկտեմբերին «Լիդսը» նրա տրանսֆերի համար «Ռենին» վճարել է 20 միլիոն եվրո։