Դիեգո Սիմեոնե. Պետք է ուժ գտնել եւ այս ծանր իրավիճակը հաղթահարել բնականոն ընթացքով

Մադրիդի «Աթլետիկոյի» արգենտինացի գլխավոր մարզիչ Դիեգո Սիմեոնեն Իսպանիայի առաջնության 18-րդ տուրում «Սեւիլիայից» կրած 1։2 հաշվով պարտությունից հետո խոսել է ընթացիկ մրցաշրջանում թիմի անհաջողությունների մասին։

«Մենք արդեն 10 տարի կայուն ամենավերեւում ենք։ Երբ ես եկա «Աթլետիկո», բոլորը սովոր էին, որ առաջատարից հետ ենք 10 միավոր։ Ցավոք, հիմա մենք դարձյալ նույն վիճակում ենք հայտնվել։ Պետք է ուժ գտնել եւ այս ծանր իրավիճակը հաղթահարել բնականոն ընթացքով»,- Սիմեոնեի խոսքը մեջբերում է իսպանական Marca-ն։

«Աթլետիկոն» երրորդ անընդմեջ պարտությունը կրեց Իսպանիայի առաջնությունում եւ 29 միավորով 5-րդ տեղում է՝ առաջատար «Ռեալից» հետ մնալով 13 միավոր։