Տաբարեսը հեռացավ Ուրուգվայի հավաքականից 15 տարվա պաշտոնավարումից հետո

Օսկար Տաբարեսը հեռացվել է Ուրուգվայի հավաքականի գլխավոր մարզիչի պաշտոնից։ 74-ամյա մասնագետը թիմը գլխավորում էր 2006 թվականից։ Վերջին տարիներին նա լուրջ առողջական խնդիրներ ուներ, չէր կարողանում ինքնուրույն կանգնել։

Աշխարհի առաջնության ընտրական մրցաշարի նախորդ չորս խաղում 1։11 ընդհանուր հաշվով պարտություններից հետո Ուրուգվայի ֆուտբոլի ֆեդերացիան որոշել է փոխել մարզիչին։

Ուրուգվայի հավաքականը ընտրական մրցաշարի 14 տուրում վաստակել է 16 միավոր եւ 7-րդ տեղում է։

Հարավամերիկյան գոտու ընտրական խմբում ուղեգիր են նվաճում առաջին 4 տեղերը գրաված թիմերը։ 5-րդ տեղը գրաված թիմն էլ մասնակցում է անցումային հանդիպումների ասիական թիմի հետ։ Բրազիլիայի եւ Արգենտինայի հավաքականներն արդեն ապահովել են եզրափակիչ մրցաշարի ուղեգրերը։