«Բորուսիան» 5 տարվա պայմանագիր է առաջարկել Գերմանիայի հավաքականի նորեկին

«Բորուսիան» մտադիր է ձեռք բերել ավստրիական «ՌԲ Զալցբուրգի» հարձակվող Քարիմ Ադեյեմիին։ Դորտմունդյան ակումբը Գերմանիայի հավաքականի 19-ամյա նորեկին առաջարկել է հինգ տարվա պայմանագիր, հաղորդում է twitter.com/NicoSchira-ն։

«Բորուսիայում» նրան համարում են փոխարինող նորվեգացի հարձակվող Էրլինգ Հոլանդին, որին ձեռք բերելու ցանկություն ունեն Եվրոպայի գրեթե բոլոր հարուստ ակումբները։

Քարիմ Ադեյեմիի ծառայություններով հետաքրքրված են նաեւ ֆրանսիական ՊՍԺ-ն, Մյունխենի «Բավարիան», Մադրիդի «Ռեալն» ու «Աթլետիկոն», Միլանի «Ինտերն» ու անգլիական «Լիվերպուլը»։

Ավստրիայի ընթացիկ առաջնությունում Քարիմ Ադեյեմին մասնակցել է 12 հանդիպման, խփել 10 գոլ, կատարել 1 գոլային փոխանցում։