Ագուերոն մտավախություն ունի, որ ստիպված կլինի ավարտել կարիերան

«Բարսելոնայի» 33-ամյա արգենտինացի հարձակվող Սերխիո Ագուերոն տախիկարդիայի հետեւանքով մտավախություն ունի, որ ստիպված կլինի ավարտել պրոֆեսիոնալ ֆուտբոլիստի կարիերան, հաղորդում է Sport.es-ը՝ հղում անելով ֆուտբոլիստի շրջապատին։

Արդեն մի քանի օր հիվանդանոցում բժիշկների վերահսկողության տակ գտնվող Ագուերոն երեք ամիս չի դուրս գա խաղադաշտ, հաղորդել էր «Բարսելոնայի» մամուլի ծառայությունը։

Իսպանիայի առաջնության 12-րդ տուրի «Բարսելոնա» - «Ալավես» խաղում Ագուերոն փոխարինվել էր տախիկարդիայի կարճատեւ նոպայի պատճառով։

Առաջին խաղակեսի վերջնամասում նա ծանր շնչառություն, սրտի կծկումների արագացում էր ունեցել։ 41-րդ րոպեին Ագուերոյի փոխարեն խաղադաշտ էր դուրս եկել բրազիլացի կիսապաշտպան Ֆիլիպե Կոուտինյոն։

«Բարսելոնա» - «Ալավես» հանդիպումն ավարտվել էր ոչ ոքի՝ 1։1։