«Տոտենհեմը» հեռացրեց գլխավոր մարզիչին

Լոնդոնի «Տոտենհեմը» գլխավոր մարզիչի պաշտոնից հեռացրեց Նունու Էշպիրիտու Սանտուին, հաղորդում է ակումբի մամուլի ծառայությունը։ 47-ամյա պորտուգալացի մասնագետն այս տարվա հունիսի 30-ին էր երկու տարվա պայմանագիր կնքել «Տոտենհեմի» հետ։

Անգլիայի առաջնության 10-րդ տուրում «Տոտենհեմը» տանը 0։3 հաշվով պարտվել էր «Մանչեսթեր Յունայթեդին»։

Բրիտանական մամուլը «Տոտենհեմի» գլխավոր մարզիչի ամենահավանական թեկնածուների թվում նշում են «Յուվենտուսի», «Չելսիի», «Ինտերի» նախկին գլխավոր մարզիչ, իտալացի Անտոնիո Կոնտեին, «Ռոմայի» նախկին գլխավոր մարզիչ, պորտուգալացի Պաուլու Ֆոնսեկային, պորտուգալական «Պորտուի» գլխավոր մարզիչ Սերժիու Կոնսեյսաուին։