Ադրբեջանցիները արցախցու մեքենան տարել են, նորից վերադարձրել, ամեն կերպ խանգարում են բերքահավաքին. Արցախցի պատգամավոր
Արցախում ռուս խաղաղապահների օգնությամբ են բնակիչները հավաքում այգիների բերքը: NEWS.am–ի հետ զրույցում Արցախի ԱԺ «Արդարություն» խմբակցության պատգաավոր Մետաքսե Հակոբյանը պատմեց, որ ադրբեջանցիները սպառնալիքներ են ստեղծում խաղաղ բնակիչների գյուղատնտեսական աշխատանքների ժամանակ:
«Նույնիսկ ռուս խաղաղապահների ներկայության պարագայում էլ գոռում-գոչյուն են անում, որ ստիպված ռուս խաղաղապահներն ասում են` լավ, էսօր դադարեցրեք հավաքելը, որովհետեւ իրենք էլ խուսափում սադրանքներից, կոնֆլիկտներից: Մեր կողմը բացարձակ ոչինչ չի անում, թեւերը թափ է տվել, ասում է` թող ռուսը հսկի: Իրոք, իրավիճակը ծանր է, բայց մենք` որպես պատգամավոր ոչինչ չենք կարող անել, մաքսիմում` բարձրաձայնել, ու ամբողջ օրը պատերազմել այս իշխանությունների հետ»,-ասաց նա:
Նշենք, որ տեղեկություններ էին տարածվում, որ Ասկերանի խաղողի այգիներում խաղողաքաղ անողներին ադրբեջանցիները սպառնացել են ու չեն թողել բերքը հավաքեն: Խրամորթի խաղողի այգիներում էլ որպես զգուշացում տարել են գյուղացիներից մեկի մեքենան, հետո վերադարձրել` այդ կերպ խանգարելով բերքահավաքը:
Պատգամավոր Մետաքսե Հակոբյանը հաստատեց այս բոլոր դեպքերը` նշելով, որ Արցախում գյուղացին, իրոք, ծանր դրության մեջ է հայտնվել:
Հիշեցնենք, որ երեկ Մարտակերտ քաղաքին հարակից նռան այգում Ադրբեջանի զինված ուժերի դիպուկահարի կրակոցից մահացու վիրավորում է ստացել Մարտակերտ քաղաքի 1966 թվականին ծնված Արամ Տեփնանցը, հարուցվել է քրեական գործ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները