«Մեր կյանքի գնով կանգնած ենք». Հայր Աթանասը շարունակում է հոգեւոր ծառայությունը Դադիվանքում
Մայիսի 2-ից առ այսօր որեւէ ուխտավոր չի այցելել Դադիվանք` ադրբեջանական կողմի դրած սահմանափակումների պատճառով: Այս մասին NEWS.am–ի հետ զրույցում ասաց այս պահին Դադիվանքում հոգեւոր ծառայություն իրականացնող Հայր Աթանաս Սարգսյանը:
«Չգիտեմ, թե այս վիճակը ինչքան կշարունակվի, բայց լիահույս եմ, որ որոշակի լուծում կլինի: Կաթողիկոսը այս առումով աշխատանքներ է տանում եւ տեսնենք` ինչ կլինի»,-ասաց նա:
Հոգեւոր սպասավորը նշեց, որ իրենք այս պահին լիարժեք մեկուսացման մեջ են գտնվում, չորս կողմից ադրբեջանցի զինծառայողներ են` բավական մեծ քանակությամբ, եկեղեցին, սակայն, հսկվում է ռուս խաղաղապահների կողմից:
«Չնայած այս ամենին, բացարձակ վախ չկա: Եկեղեցին կանգուն է, որեւէ բան չի եղել, մենք մեր կյանքի գնով կանգնած ենք, փորձում ենք ընկած քարը բարձրացնենք եւ չթողնենք, որ քանդեն: Եւ ֆիզիկապես, եւ հոգեպես է մեր զոհողությունն այս պահին եւ հուսամ` ապարդյուն չի անցնի: Մի քանի անգամ ուդիներ են եկել, ուխտագնացություն են կատարել, ինչ-որ հոգեւոր արարողություններ են իրականացրել, ու հետ են գնացել»,- պատմում է նա:
Հայր Աթանասի կարծիքով` Դադիվանքի ապագան ուղիղ համեմատական է երկրի ապագայի հետ, ճիշտ է` անորոշ է ամեն ինչ հիմա, սակայն կարեւորը հավատքն է, որը պետք չի կորցնել:
«Ով հավատա, նրան կտրվի… կարեւորը հավատքն է այս պահին, որ մարդիկ հույսները չկորցնեն առ Աստված, առ հայրենիք: Ով հավատ կունենա, տեղի կունենա անհնարինը, մենք այդ հավատքով ենք այստեղ` հրաշքի ենք սպասում: Տխուր է, որ արդեն երկրորդ տարին է` առաջին ձյունը Դադիվանքում դիմավորում ենք այս պայմաններում»,- հավելեց հայր Աթանասը:
Հիշեցնենք, որ Դադիվանքը Հայ առաքելական եկեղեցու հնագույն քրիստոնեական վանքերից է։ Գտնվում է Քարվաճառի շրջանում, որն էլ նախորդ տարվա նոյեմբերի 9-ի հայտարարությունից հետո անցավ Ադրբեջանի վերահսկողության տակ։ Անվտանգության ապահովման համար ռուսական խաղաղապահ զորախմբի դիտակետերից մեկը գտնվում է վանքի հարեւանությամբ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները