Լապորտան՝ «Բավարիայից» կրած պարտության մասին․ Սպասում էինք, որ կհայտնվենք այսպիսի վիճակում

Չեմպիոնների լիգայի առաջին տուրում Գերմանիայի չեմպիոն Մյունխենի «Բավարիայից» կրած 0։3 հաշվով պարտությունից հետո կատալոնական «Բարսելոնայի» նախագահ Ժոան Լապորտան թվիթերյան տեսաուղերձում դիմել է ակումբի երկրպագուներին։

«Ողջույն, ես նույնքան շատ եմ տխրել եւ հիասթափվել, որքան եւ դուք։ Մենք սպասում էինք, որ կհայտնվենք այսպիսի իրավիճակում։

Ես խնդրում եմ ձեզ ցուցաբերել համբերություն։ Հույս ունեմ, որ դուք կշարունակեք աջակցել մեր թիմին։ Ես խնդրում եմ ձեզ հավատալ մեզ՝ ակումբը կառավարող մարդկանց։

Մեզ անհրաժեշտ են ձեր վստահությունն ու ժամանակը։ Մի կասկածեք, որ մենք կգտնենք լուծում ստեղծված իրավիճակում։

Շնորհակալություն։ Visca el Barça!»,- ասել է Լապորտան։

Հոլանդացի Ռոնալդ Կումանի գլխավորած թիմը «Բավարիայի» դեմ խաղում ոչ մի հարված չէր կատարել գերմանացի Մանուել Նոյերի պաշտպանած դարպասին։