«Ռեալը», «Բարսելոնան» ու «Մանչեսթեր Յունայթեդը» ցանկանում են ձեռք բերել Յուրի Տիլեմանսին

Մադրիդի «Ռեալը», կատալոնական «Բարսելոնան» եւ անգլիական «Մանչեսթեր Յունայթեդը» հետաքրքրված են անգլիական «Լեսթեր Սիթիի» 24-ամյա բելգիացի կիսապաշտպան Յուրի Տիլեմանսի ծառայություններով, հաղորդում է AS-ը։

Տրանսֆերը կարող է տեղի ունենալ 2022թ․ ամռանը։ «Մանչեսթեր Յունայթեդը» Տիլեմանսին կգնի, եթե հաջորդ ամռանը թիմից հեռանա աշխարհի չեմպիոն Ֆրանսիայի հավաքականի կիսապաշտպան Պոլ Պոգբան։

Յուրի Տիլեմանսի տրանսֆերային արժեքը գնահատվում է 55 միլիոն եվրո։ Նա «Լեսթեր Սիթիում» է 2019 թվականից եւ պայմանագիր ունի մինչեւ 2023թ․ հունիս։

Անգլիայի անցած առաջնությունում Յուրի Տիլեմանսը մասնակցել է 38 հանդիպման, խփել 6 գոլ, կատարել 4 գոլային փոխանցում։