Արարատ Միրզոյան. Երեւանը պատրաստ է վերսկսել Բաքվի հետ բանակցությունները՝ ղարաբաղյան կարգավորման վերաբերյալ
Երեւանը պատրաստ է վերսկսել Բաքվի հետ բանակցությունները՝ ղարաբաղյան կարգավորման վերաբերյալ՝ իրավահավասարության եւ ուժի չկիրառման հիման վրա, «ՌԻԱ Նովոստի»-ին տված հարցազրույցում ասել է Հայաստանի արտգործնախարար Արարատ Միրզոյանը:
«Հայաստանի Հանրապետությունը բազմիցս ամենաբարձր մակարդակով հայտարարել է, որ պատրաստ է վերսկսել լեռնայինղարաբաղյան հակամարտության խաղաղ գործընթացը՝ լավ հայտնի սկզբունքների հիման վրա, այն է՝ ուժի կամ ուժի սպառնալիքի չկիրառում, իրավահավասարություն եւ ժողովուրդների ինքնորոշում ու տարածքային ամբողջականություն: Նոյեմբերի 9-ի (Ղարաբաղում զինադադարի մասին - խմբ.) եռակողմ հայտարարության ստորագրումից հետո համանախագահները մի շարք հայտարարություններ են արել: Հայկական կողմը ողջունել է այս հայտարարությունները՝ համարելով, որ դրանք տարածաշրջանում խաղաղության հաստատման ճանապարհային քարտեզ են»,- ասել է նախարարը:
Միաժամանակ, Միրզոյանը նշել է, որ Ադրբեջանը չի կատարում հրադադարի համաձայնագիրը, որն արտահայտվում է, առաջին հերթին, բոլոր ռազմագերիների եւ կալանավորված այլ անձանց անհապաղ վերադարձի հարցում: Նախարարը նաեւ մեղադրել է Բաքվին Հայաստանի տարածք ներխուժելու եւ տարածքային կեղծ պահանջներ ներկայացնելու համար: «Հայկական կողմը հետեւողականորեն առաջ կմղի Արցախի ժողովրդի ինքնորոշման իրավունքի, իր հայրենիքում ազատ եւ արժանապատիվ ապրելու իրավունքի իրականացումը»,- ընդգծել է Միրզոյանը:
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...