ԵԱ. Ռոբերտ Հովհաննիսյանը՝ միանձյնա առաջատար

Իսլանդիայի մայրաքաղաք Ռեյկյավիկում շարունակվող շախմատի Եվրոպայի անհատական առաջնության չորրորդ տուրից հետո Հայաստանի ներկայացուցիչ Ռոբերտ Հովհաննիսյանը 100 տոկոսանոց ցուցանիշով միանձնյա գլխավորել է մրցաշարային աղյուսակը:

Չորրորդ տուրում հայ գրոսմայստերը սպիտակներով հաղթել է գերմանացի Նիկլաս Հուշչենբետին և վաստակել 4 միավոր:

Գաբրիել Սարգսյանը և Հայկ Մարտիրոսյանը նույնպես հաղթել են, իսկ Հովհաննես Գաբուզյանն ու Սամվել Տեր-Սահակյանը ոչ ոքի են ավարտել իրենց պարտիաները:

Ռոբերտ Հովհաննիսյանը միանձնյա առաջատարն է, իսկ Հովհաննես Գաբուզյանն ու ևս 11 շախմատիստներ 3.5-ական միավորով բաժանում են 2-13-րդ տեղերը:

Մրցաշարին մասնակցում են 36 երկրների 180 շախմատիստներ, այդ թվում՝ 69 գրոսմայստեր։ Գաբրիել Սարգսյանը երկրորդ ամենաբարձր վարկանիշով (2682) շախմատիստն է մրցաշարում և զիջում է միայն անգլիացի Գավեյն Ջոնսին (2684):