Ֆրանկ Ռիբերին տեղափոխվեց «Լացիո»

Ֆրանսիայի հավաքականի նախկին կիսապաշտպան Ֆրանկ Ռիբերին կարիերան կշարունակի Հռոմի «Լացիոյում», հայտնում է Gazzetta dello Sport-ը:

38-ամյա ֆուտբոլիստն իտալական ակումբին միացել է ազատ գործակալի կարգավիճակում և կնքել մեկ տարվա պայմանագիր:

Ռիբերին 2019-ից հանդես էր գալիս իտալական «Ֆիորենտինայում», որի կազմը լքել էր այս ամռանը: Դրանից առաջ ֆրանսիացին 12 տարի խաղացել է Մյունխենի «Բավարիայում»: Իտալիայի ավարտված առաջնությունում նա մասնակցել է 29 հանդիպման, դարձել 2 գոլի ու 6 գոլային փոխանցման հեղինակ: