Էրլինգ Հոլանդը հրաժարվել է տեղափոխվել ՊՍԺ

Նորվեգիայի հավաքականի և Դորտմունդի «Բորուսիայի» հարձակվող Էրլինգ Հոլանդը կշարունակի ելույթները գերմանական ակումբում, հայտնում է Bild-ը:

21-ամյա ֆուտբոլիստն առաջարկ էր ստացել ֆրանսիական ՊՍԺ-ից, սակայն նա որոշել է հրաժարվել այդ տեղափոխությունից: Նշվում է, որ Հոլանդը ցանկանում է ևս մեկ մրցաշրջան անցկացնել Գերմանիայում, որպեսզի հաջորդ ամռանը տեղափոխվի Մադրիդի «Ռեալ»: Հարձակվողի պայմանագրում կա կետ, որի համաձայն՝ 2022-ի ամռանը նրան հնարավոր կլինի ձեռք բերել 75 միլիոն եվրոյով:

Անցած մրցաշրջանում Հոլանդը «Բորուսիայի» կազմում մասնակցել է 41 հանդիպման, խփել 41 գոլ, կատարել 12 գոլային փոխանցում։ Նորվեգացին 2020թ. հունվարին ավստրիական «Զալցբուրգից» է տեղափոխվել «Բորուսիա», որի հետ նրա պայմանագիրը նախատեսված է մինչև 2024թ. հունիսի 30-ը։