«Ինտերը» բանակցում է «Տորինոյի» հետ Բելոտիի տրանսֆերի հարցով

Իտալիայի չեմպիոն Միլանի «Ինտերի» մարզական տնօրեն Ջուզեպե Մարոտան բանակցել է «Տորինոյի» նախագահի հետ Իտալիայի հավաքականի հարձակվող Անդրեա Բելոտիի տրանսֆերի հարցով, հաղորդում է Sky Sport Italia-ն։

Թուրինյան ակումբը 27-ամյա ֆուտբոլիստի տրանսֆերի համար պահանջում է 20 միլիոն եվրո։ Ցածր գինը պայմանավորված է Բելոտիի պայմանագրի ժամկետով։ Հաջորդ ամռանը նա կստանա ազատ գործակալի կարգավիճակ։

«Ինտերը» փոխարինող է փնտրում Լոնդոնի «Չելսի» տեղափոխված բելգիացի հարձակվող Ռոմելու Լուկակուին։

Անցած մրցաշրջանում Բելոտին «Տորինոյի» հետ բոլոր մրցաշարերում մասնակցել է 36 հանդիպման, խփել 13 գոլ, կատարել 7 գոլային փոխանցում։ Նա Իտալիայի հավաքականի կազմում դարձավ Եվրո-2020-ի չեմպիոն։