Արցախում ռուս խաղաղապահները խմելու ջրով են ապահովել ավելի քան 200 ընտանիքների
Արցախում ռուս խաղաղապահները խմելու ջրով են ապահովել Ստեփանակերտում եւ Արցախի հեռավոր շրջաններում բնակվող ավելի քան 200 ընտանիքների: Այս մասին հայտնում է ՌԴ ՊՆ մամուլի ծառայությունը։
«Արդեն տասներորդ օրն է, ինչ ջուր չկա։ Անչափ շնորհակալ ենք, որ ջուր բերեցիք։ Այն միշտ չի հերիքում, հատկապես՝ ամռանը։ Մենք երկրորդ հարկում ենք ապրում, վեց հոգի ենք։ Շատ շնորհակալ ենք ջրի համար եւ ոչ միայն ջրի, ամեն ինչի համար ենք շնորհակալ»,-ասել է Լեռնային Ղարաբաղի բնակչուհի Ալինա Հակոբյանը:
Երկու օրվա ընթացքում խաղաղապահ զորակազմի նյութատեխնիկական ապահովման ստորաբաժանումները մոտ 15 տոննա խմելու ջուր են հասցրել Լեռնային Ղարաբաղի բնակիչներին:
«Ուզում եմ ասել, որ մեզ համար շատ դժվար էր ջուրը հանել չորրորդ հարկ։ Դույլերով այգի եւ տարբեր տեղեր էինք գնում, որպեսզի ինչ-որ կերպ ջուր հայթայթեինք։ Բակում ոչ մի անգամ ջրատար մեքենա չի եղել։ Դուք եկաք եւ ջուր բերեցիք, շատ շնորհակալ ենք։ Վերջապես ձեր ջրատար մեքենայից մի քիչ ջուր վերցրինք։ Ուզում եմ, որ դուք երկար մնաք այստեղ»,-ասել է Ստեփանակերտի բնակիչ Տիգրան Աբրահամյանը:
Մինչեւ ջրային կայանի նորոգման-վերականգնողական աշխատանքների ավարտը եւ խողովակաշարի անցկացումը Լեռնային Ղարաբաղի քաղաքներում եւ շրջաններում խաղաղապահ զորակազմի զինծառայողներն ամեն օր տեղի բնակիչներին ջրով կապահովեն:
«Ռուսական խաղաղապահ զորախմբի հրամանատարությունը որոշում է կայացրել Ստեփանակերտ քաղաքի տեղական ինքնակառավարման մարմինների դիմումի կապակցությամբ խմելու ջրով ապահովել տեղի բնակչությանը: Կազմվել է ջրի ամենօրյա փոխադրման ժամանակացույց։ Այսօրվա դրությամբ շուրջ 10 տոննա խմելու ջուր է տրամադրվել տեղի բնակչությանը»,-ասել է ռուսական խաղաղապահ զորախմբի ներկայացուցիչ Վլադիսլավ Դեմկինը:
Ռուս խաղաղապահները նաեւ ապահովում են անվտանգությունը Մարտունու շրջանի արտեզյան հորից ջրագիծ անցկացնելու ընթացքում՝ Թաղավարդ եւ Կարմիր շուկա բնակավայրերի բնակիչներին ջուր մատակարարելու համար:
Ռուսաստանի Դաշնության նախագահի, Ադրբեջանի Հանրապետության նախագահի եւ Հայաստանի Հանրապետության վարչապետի համատեղ հայտարարության մեջ նշված պայմանավորվածությունների համաձայն՝ 2020 թվականի նոյեմբերի 10-ին Մոսկվայի ժամանակով 00:00-ից սկսած բոլոր ռազմական գործողությունների հրադադար հայտարարվեց Լեռնային Ղարաբաղում: Լեռնային Ղարաբաղում հրադադարի ռեժիմի վերահսկման համար տեղակայված է Ռուսաստանի Դաշնության խաղաղապահ զորախումբը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները