«Ռոման» ու «Չելսին» փոխհամաձայնության են եկել

Լոնդոնի «Չելսիի» անգլիացի հարձակվող Տեմի Աբրահամը կարող է տեղափոխվել իտալական «Ռոմա»:

Gianlucadimarzio.com-ը գրում է, որ 2 ակումբները փոխհամաձայնության են եկել 23-ամյա ֆուտբոլիստի տրանսֆերի հարցում: Եթե գործարքը տեղի ունենա, սկզբում «Ռոման» կվճարի 5 միլիոն եվրո, իսկ հաջորդ մրցաշրջանների ընթացքում՝ ևս 35-40 միլիոն:

Չի բացառվում, որ «Ռոման» կվարձակալի Աբրահամին՝ հետագայում նրա տրանսֆերային իրավունքը գնելու պարտավորությամբ: Այժմ պետք է որոշում կայացնի խաղացողը:

Անգլիացի հարձակվողի ծառայություններով հետաքրքրված են նաև Լոնդոնի «Արսենալը», իտալական «Ատալանտան» և այլ ակումբներ: