Հա՛, ի դեպ, ստուգեցի այդ «փոքր» լեզվով խոսողների թիվը, ահագին էլ «քիչ» էր՝ մոտ 40 միլիոն

Մի քանի օր առաջ Երևանի կենտրոնում լսեցի տարօրինակ հնչողությամբ հնդկաստանյան մի լեզու: Հինդիով հարցրեցի, թե ի՞նչ լեզվով են խոսում, անգլերենով պատասխանեցին՝ մալայալամով, և որ իրենց լեզուն փոքր թվով խոսողներ ունի։

Ասացի, որ կարդացել եմ այդ դրավիդյան լեզվի մասին, Հնդկաստանի Կերալա նահանգում է խոսվում, որն ընդգրկում է նաև Մալաբարը և այլն։ Շատ ուրախացան, որ Հայաստանում ինչ-որ մեկը գիտե իրենց լեզվի և երկրամասի մասին։

Այսօր կրկին պատահաբար հանդիպեցի այդ մարդկանց՝ բարևեցին ու ողջությունս հարցրեցին՝ դիմելով հնդկերեն «դեշբհայի» («համերկրացի») ձևով:

Հա՛, ի դեպ, ստուգեցի այդ «փոքր» լեզվով խոսողների թիվը, ահագին էլ «քիչ» էր՝ մոտ 40 միլիոն:
#Հնդկաստանը