Ադրբեջանցիներն ավիրել են Արցախի Սղնախ գյուղի հայկական գերեզմանոցը

Ադրբեջանցիներն ավիրել են Արցախի Սղնախ գյուղի հայկական գերեզմանոցը
Կովկասյան ժառանգության պաշտպանության կազմակերպությունը (Caucasus Heritage Watch) անդրադարձել է Արցախում հայկական գերեզմանոցների պղծման փաստին: Այս մասին տեղեկանում ենք կազմակերպությունը թվիթերի էջից։

«Կովկասյան ժառանգության պաշտպանության կազմակերպությունը հաստատում է Սղնախ գյուղի հայկական գերեզմանոցի ավերածության փաստը, որի մասին առաջինը զեկուցել էր Հուշարձանների պաշտպանության կազմակերպությունը: Այդ տարածքը ավերվել է ճանապարհային շինարարության նպատակով»,- նշվում է գրառման մեջ:

Սղնախը գտնվում է Արցախի Հանրապետության Ասկերանի շրջանում, այժմ այն Ադրբեջանի զինված ուժերի վերահսկողության տակ է։

Սղնախի գերեզմանոցը հիմնվել է 18 դարի կեսին և շահագործվել է մինչև 2020-ի է աշունը, երբ հայերը պատերազմի հետևանքով տարհանեցին գյուղի բնակիչներին։

Կովկասյան ժառանգության պաշտպանության կազմակերպությունն Ադրբեջանի իշխանություններին կոչ է անում դադարեցնել գերեզմանոցների ավերումը:

CHW confirms the destruction of an Armenian cemetery in the village of Sghnakh/Sığnaq, as first reported by Monument Watch (https://t.co/fYBm2yD7tu). The area was bulldozed in connection with road construction. 1/3 pic.twitter.com/MPY8wvzYpn

— CaucasusHeritageWatch (@CaucasusHW) July 2, 2021