Սահմանադրության օրվա խորապատկերում. Գ. Դանիելյանի մտորումներն անցյալի խորքից
ՀՀ արդարադատության նախկին նախարար Գեւորգ Դանիելյանը գրում է.
«Սահմանադրության օրվա խորապատկերում
Մի շարք նորամուծություններ, օրինակ՝ Հատուկ քննչական ծառայությունը, Արդարադատության ակադեմիան, Իրավաբանական անձանց գրանցման կենտրոնական համակարգը և այլն, անձամբ իմ մտահղացման արդյունքներն են։ Նաև շատ այլ ծրագրեր (օրինակ, բնակչության սպասարկման «Միասնական մեկ պատուհան»֊ի, «Արտադրական խեղման» արդյունքում հաշմանդամների համար ապահովագրական հիմնադրամի ինստիտուտները) անիրագործելի մնացին՝ հոգ չէ։ Ընդ որում, Արդարադատության ակադեմիայի շենքը կառուցվել է իմ օրոք, նույնիսկ նախագիծը աշխատանքային կարգով քննարկել եմ արվեստի մարդկանց հետ։ Հիմա ինձ ընկերներս հաճախ են հարցնում, թե ինչո՞ւ եմ, կարծես, վերանայել իմ մոտեցումները, օրինակ՝ ինչո՞ւ եմ արդեն առաջ քաշում միասնական քննչական մարմնի գաղափարը։ Իրականում ոչ թե վերանայում եմ, թեպետ՝ երբեք չեմ ղեկավարվել իբր անսխալականության մարմաջով, այլ ցանկանում եմ, որ բոլոր այն պատասխանատուները, որոնք կամա, թե ակամա բարեփոխումների ակունքներում են, ընկալեն մի առանցքային մեկնակետ՝ ցանկացած գերազանց գաղափար չի կարելի լիարժեք կյանքի կոչել՝ առանց նախապատրաստական, էվոլյուցիոն փուլերի։ Երբեմն հրապուրվում եք արտասահմանյան որևէ ինստիտուտով, ձգտում անհապաղ այն «յուրացնել», բայց անտեսում եք, որ դրանք մի օրում չեն ձևավորվել, այլ անցել են բարդ ճանապարհ, հաղթահարել խոչընդոտներ։ Հիշեք, միջազգային փորձը ձեզ պատրաստի դեղատոմսեր երբեք չի փոխանցի, իսկ միջազգային փորձագետները, որոնք մեծամասամբ քաղաքականացված են ու, որպես կանոն, միջակություններ, ձգտում են ինչ֊որ բան հապճեպ «խցկել», այնուհետև՝ վերադասին հաշվետվություններ ու զեկույցներ ներկայացնելով՝ «պարգևավճարներ» կորզել։
Հ.Գ. Սահմանադրության անփոփոխելի 2-րդ հոդվածն ընկալեք ընդամենը որպես խորհրդային իրավագիտակցության իներցիոն հետագիծ (ինքս կոչ կանեի հարմար առիթի դեպքում, վերջապես, հրաժարվել այդ բոլշևիկյան լոզունգից), ոչ թե այն դիտարկել պերմանենտ չարաշահման հարմար նյութ ...»:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...