ՊՍԺ-ն, «Բարսելոնան» ու «Ռեալը» հետաքրքրված են «Ռոմայի» խաղացողով

Իտալական «Ռոմայի» եզրային պաշտպան Լեոնարդո Սպինացոլան հայտնվել է եվրոպական առաջատար ակումբների ուշադրության կենտրոնում:

Gazzetta dello Sport-ի համաձայն՝ Իտալիայի հավաքականի 28-ամյա ֆուտբոլիստի ծառայություններով հետաքրքրված են կատալոնական «Բարսելոնան», Մադրիդի «Ռեալն» ու ֆրանսիական ՊՍԺ-ն:

Այս օրերին Սպինացոլան մասնակցում է Եվրո-2020-ին, որտեղ 2 անգամ ճանաչվել է հանդիպման լավագույն խաղացող: Նա 2019 թվականից է խաղում «Ռոմայում», որի հետ նրա պայմանագիրը նախատեսված է մինչև 2024 թվականի ամառ: Transfermarkt-ն իտալացու տրանսֆերային արժեքը գնահատում է 26 միլիոն եվրո: