«Արսենալը» հրաժարվել է 35 միլիոն եվրոյով վաճառել 20–ամյա կիսապաշտպանին

«Աստոն Վիլան» 35 միլիոն եվրո է առաջարկել Լոնդոնի «Արսենալի» 20–ամյա անգլիացի կիսապաշտպան Էմիլ Սմիթ–Ռոուվի համար։ Իսպանացի Միկել Արտետայի գլխավորած թիմը լուրջ ակնալիք ունի ֆուտբոլիստից եւ հրաժարվել է վաճառել նրան, հաղորդում է The Athletic–ը։

Էմիլ Սմիթ–Ռոուվն «Արսենալի» սան է։ Լոնդոնյան ակումբի երիտասարդական թիմերում հանդես է եկել 2010–2018 թվականներին, 2019–ին վարձակալությամբ հանդես է եկել գերմանական «ՌԲ Լայպցիգում», իսկ անցած մրցաշրջանում ամրապնդվել է «Արսենալի» հիմնական կազմում։

Անգլիայի անցած առաջնությունում Էմիլ Սմիթ–Ռոուվը մասնակցել է 20 հանդիպման, խփել 2 գոլ, կատարել 4 գոլային փոխանցում։