Գրիզման. Ֆրանսիայի հավաքականում ինձ զգում եմ ավելի ազատ, քան «Բարսելոնայում»

Եվրո–2020–ին պատրաստվող աշխարհի չեմպիոն Ֆրանսիայի հավաքականի եւ «Բարսելոնայի» հարձակվող Անտուան Գրիզմանը խոստովանել է, որ ազգային թիմում իրեն ավելի ազատ է զգում։

«Ֆրանսիայի հավաքականում ինձ զգում եմ ավելի ազատ, քան «Բարսելոնայում»՝ լինի պաշտպանվելիս, թե իմ դիրքում։ Երբ գործը հասնում է պաշտպանվելուն, ես տեղաշարժվում եմ թիմային պահանջներին համապատասխան՝ երբեմն պաշտպանվում եմ կիսապաշտպանների դիրքում։

Ֆրանսիայում ես վաստակել եմ հարգանք։ Ֆուտբոլ հասկացողները տեսնում են, որ ես գտնում եմ իմ տեղը բոլոր թիմերում։ Հավաքականում ես բոլոր գործողությունների առանցքային դերակատարն եմ, ինչպես «Աթլետիկոյում» էր։ «Բարսելոնայում» բարդ էր, քննադատությունը երբեմն չափազանց էր»,– Գրիզմանի խոսքը մեջբերում է ESPN-ը։

Եվրո–2020–ի խմբային փուլում Ֆրանսիայի հավաքականը կմրցի Գերմանիայի, Պորտուգալիայի եւ Հունգարիայի թիմերի հետ։