Ամերիկայի գավաթի եզրափակիչը՝ լեգենդար «Մարականայում»

Ֆուտբոլի 2021թ․ Ամերիկայի գավաթի խաղարկության եզրափակիչը տեղի կունենա Ռիո դե Ժանեյրոյի «Մարականա» ստադիոնում, հայտնում է Հարավամերիկյան ֆուտբոլային կոնֆեդերացիայի մամուլի ծառայությունը:

Բրազիլիայի 4 քաղաքներում անցկացվելիք մրցաշարը հունիսի 13-ին կմեկնարկի Բրազիլիա – Վենեսուելա խաղով, որը կանցկացվի Բրազիլիա քաղաքի Գարինչայի անվան ստադիոնում: Այդ ստադիոնն ու Ռիո դե Ժանեյրոյի «Նիլթոն Սանթոսը» կընդունեն 2 կիսաեզրափակիչները:

Հիշեցնենք, որ Ամերիկայի գավաթը պետք է անցկացվեր Կոլումբիայում և Արգենտինայում, սակայն նախ՝ Կոլումբիան զրկվեց մրցաշարն անցկացնելու իրավունքից կորոնավիրուսի համավարակի և անկայուն քաղաքական վիճակի պատճառով, ապա՝ Արգենտինան զրկվեց այդ իրավունքից կորոնավիրուսի համավարակի երրորդ ալիքի հետևանքով։

Գործող գավաթակիրը Բրազիլիան է, որը նախորդ խաղարկության եզրափակիչում հաղթել է Պերուի հավաքականին:

Ամերիկայի գավաթում 12 հավաքականներ բաժանվել են երկու խմբերի․

Առաջին խումբ․ Կոլումբիա, Բրազիլիա, Քաթար, Վենեսուելա, Էկվադոր, Պերու։

Երկրորդ խումբ․ Արգենտինա, Ավստրալիա, Բոլիվիա, Ուրուգվայ, Չիլի, Պարագվայ։