Անտոնիո Կոնտեն մոտ է «Ինտերից» հեռանալուն

Ֆուտբոլի Իտալիայի նորընծա չեմպիոն «Ինտերի» գլխավոր մարզչի Անտոնիո Կոնտեն, ամենայն հավանականությամբ, հեռանա զբաղեցրած պաշտոնից, տեղեկանում է La Gazzetta dello Sport-ը:

Իտալացի մասնագետը տարաձայնություններ ունի ակումբի ղեկավարության հետ: «Ինտերի» ղեկավարները մտադիր են կրճատել ակումբում ներդրումները և 20 տոկոսով նվազեցնել ֆուտբոլիստների աշխատավարձերը: Կոնտեն կարծում է, որ դա կանդրադառնա ակումբի ամբիցիաների վրա և վստահ է, որ հաջորդ մրցաշրջանում արդյունքները բարելավելու համար անհրաժեշտ է ուժեղացնել կազմը:

Նշվում է, որ Կոնտեի պայմանագիրը կարող է խզվել առաջիկա 48 ժամվա ընթացքում:

Հիշեցնենք, որ Անտոնիո Կոնտեն 2019 թվականից է գլխավորում «Ինտերը»: Այս մրցաշրջանում միլանյան ակումբը 11 տարվա ընդմիջումից հետո դարձավ Իտալիայի չեմպիոն: