Անզեն ենք ու անթիկունք, նստած սպասում ենք, թե ինչ է լինելու մեզ հետ. Էդիկ Բաղդասարյան
Նիկոլը մատի վրա խաղացնում է բոլորին, նա խաղի իր կանոնները թելադրում ու թելադրում է, բոլորը հլուհնազանդ կատարում են իրենց դերը: Մտածե՞լ եք, թե ինչի վրա եք իշխելու, Հայաստանի ո՞ր կտորի վրա: Այս մասին Facebook-ի իր էջում գրել է «Հետք»-ի գլխավոր խմբագիր Էդիկ Բաղդասարյանը:
«Գնում ենք ընտրությունների: Դեռեւս անհաշվելի քանակի ուժեր իշխանություն են ուզում: Նիկոլը մատի վրա խաղացնում է բոլորին, նա խաղի իր կանոնները թելադրում ու թելադրում է, բոլորը հլուհնազանդ կատարում են իրենց դերը: Մտածե՞լ եք, թե ինչի վրա եք իշխելու, Հայաստանի ո՞ր կտորի վրա: Հրապարակներում, դահլիճներում ինչքան ուզում եք խոսեք, պաշտպանության բնազդը վերացել է մեր մեջ: Իսկ գիտե՞ք, որ նույնիսկ աշխարհազոր չենք կարող կազմել, որովհետեւ դա պետությունը պիտի կազմակերպի, որովհետեւ զենքը պետք է տա պաշտպանության նախարարությունը, ստորաբաժանումները պետք է կազմավորեն սպաները, սահմանի տարբեր հատվածներ պետք է ուղեկցեն ՊՆ-ի ներկայացուցիչները, տեղանքում դիրքավորվելու համար տեխնիկան պետք է տա ՊՆ-ն, սնունդը, զենք-զենամթերքի հետագա ապահովումը պետք է անի ՊՆ-ն: Իսկ ՊՆ-ն, այսինքն՝ պետությունը, նման բան չի ուզում անել, նա միայն մտածում է՝ հանկարծ «լարվածություն» չստեղծի: Ու ահա էսպես զրկված ենք երկիրը պաշտպանելու մեր իրավունքից: Իսկ հիմա միջնադար չէ, սրերով, նետ ու աղեղով չենք կարող կռվել, հիմա նույնիսկ անցած դարի 90-ականների պատերազմը չի, հիմա հետախուզության չես կարող գնալ այն ժամանակվա նման, հիմա որեւէ բան նախաձեռնելիս պետք է վստահ լինես, որ ՀՕՊ-ը աշխատում է եւ օդից չեն խփի, հրետանին քեզ օգնելու է: Ու հիմա Արցախի տարածքում չենք, որտեղ հինգ մատի պես գիտենք բոլոր ձորակները, արահետները, աղբյուրները: Ու ողբերգությունն այն է, որ հիմա բանակում որեւէ մեկի հետ չես կարող այս հարցերը քննարկել: Մի խոսքով, անզեն ենք ու անթիկունք: Ու նստած սպասում ենք, թե ինչ է լինելու մեզ հետ: Շարունակեք, շարունակեք նախընտրական շոուները»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները