Մատիաս Պոգբա. Հույս ունեմ, որ եղբայրս կտեղափոխվի «Բարսելոնա»

Անգլիական «Մանչեսթեր Յունայթեդի» ֆրանսիացի կիսապաշտպան Պոլ Պոգբայի եղբայր Մատիաս Պոգբան խոսել է Պոլի կարիերայի հնարավոր շարունակության մասին։

«Երբ Պոլը «Մանչեսթեր Յունայթեդի» հետ նվաճի Եվրոպայի լիգայի գավաթը, մենք միասին կքննարկենք նրա ապագան։ Պոլի նկատմամբ «Բարսելոնայի» հետաքրքրության մասին տեղյակ չեմ։ Եթե ես ստանայի այդպիսի առաջարկ, անմիջապես կընդունեի։ Հույս ունեմ, որ Պոլը կտեղափոխվի «Բարսելոնա»»,– Մատիաս Պոգբայի խոսքը մեջբերում է El Chiringuito–ն։

Ընթացիկ մրցաշրջանում Պոլ Պոգբան «Մանչեսթեր Յունայթեդի» հետ մասնակցել է 41 հանդիպման, խփել 6 գոլ, կատարել 9 գոլային փոխանցում։ Transfermarkt.com–ը 28–ամյա ֆուտբոլիստի տրանսֆերային արժեքը գնահատում է 60 միլիոն եվրո։

Եվրոպայի լիգայի եզրափակիչը իսպանական «Վիլյառեալի» եւ «Մանչեսթեր Յունայթեդի» մասնակցությամբ տեղի կունենա մայիսի 26–ին Լեհաստանի Գդանսկ քաղաքում։