Եգիպտոսի պատվիրակությունը Թել Ավիվում է՝ հրադադարի հաստատման ջանքերի շրջանակներում
Եգիպտոսի պատվիրակությունը Թել Ավիվում է՝ հրադադարի հաստատման ջանքերի շրջանակներում Իսրայելի պաշտոնյաների հետ բանակցությունների համար, հայտնում է AP-ն՝ վկայակոչելով եգիպտացի պաշտոնատար անձանց:
Նրանց խոսքով՝ պատվիրակությունը նախ Գազայի հատվածում հանդիպել է ՀԱՄԱՍ-ի ներկայացուցիչների հետ, ապա ցամաքային ճանապարհով հատել է Իսրայելի սահմանը: Նախկինում Եգիպտոսը միջնորդական դեր է խաղացել կողմերի միջեւ:
Անցած գիշեր Եգիպտոսի արտգործնախարար Սամեհ Շուքրին իր իսրայելցի գործընկեր Գաբի Աշկենազիի հետ հեռախոսազրույցում դատապարտել էր Իսրայելի հարձակումները պաղեստինյան տարածքների վրա: Նա նշել էր, որ երկու կողմերի համար էլ կարեւոր է խուսափել հակամարտության սրացումից: