Ինչու է Բադասյան Ռուստամը որոշել կարգապահական վարույթ հարուցել դատավոր Արման Հովհաննիսյանի նկատմամբ
Արդարադատության նախկին նախարար Արփինե Հովհաննիսյանը ֆեյսբուքյան էջում գրել է.
«Բադասյան Ռուստամը որոշել է կարգապահական վարույթ հարուցել դատավոր Արման Հովհաննիսյանի նկատմամբ: Գիտե՞ք ինչն է հետաքրքիր:
Երկուսն էլ եղել են իմ ուսանողները: Մեկը` բակալավրիատում,մյուսը` մագիստրատուրայում: Երկուսի մասին էլ սկսել եմ հիշել, երբ սկսել են գործել: Ավելին` Արմանի մասին որպես փայլուն, անաչառ, պրպտող դատավորի մասին արդեն խոսում էին փաստաբանները ու քաղաքացիները, երբ ես իմացա, որ նրան դասավանդել եմ:
Անձամբ երբևէ շփված չլինելով հանդերձ հպարտացել եմ նրանով:
Ես նրանց կայացման փուլում մի փոքր դրվագ եմ ներկա եղել որպես դասավանդող, բայց ինչքան տարբեր են նրանց ուղիները ու հետագծերը:
Արմանը իրավաբան է, Ռուստամը` վայ-իրավաբան, Արմանը իրավաբանությունը կայացնող է, ռուստամը` պղծող, Արմանը իրավաբանների ու դատավորների հանդեպ հարգանք ներշնչելու օրինակ է, Ռուստամը` անարգանքի օրինակ, Արմանը դատավոր է, Ռուստամը` դատարան շրջափակող, Արմանը պետության կայացման հիմնասյուն է, Ռուստամը` պետություն քանդող, կազմալուծող:
Արմանի տեսակը հաղթող է, Ռուստամինը` պարտվող:
Արմանը ու Արմանի նման իմ հարյուրավոր այլ ուսանողները իմ հպարտության ու պարծանքի առարկան են, մասնագիտությունս սիրելու, դասավանդման պրոցեսը վայելելու աղբյուրը: Ռուստամը` հակառակը: Բայց ես շարունակելու եմ իմ գործունեությունը արմանների համար: Եթե Հայաստանը ապրի, ապա արմանների շնորհիվ: Նրանց փայփայել է պետք:
Ես հիմա քաղաքական պատճառների ու մեղավորների մասին հավաքական չեմ խոսի: Փուլ առ փուլ:
Սկսեցի Ռուստամով, քանզի վարույթը հարուցել է ինքը: Շարունակում եմ Դավթյան Արթուրով, քանզի վարույթի հարուցման համար հիմք է եղել ՀՀ գլխավոր դատախազի գրությունը: Ես Արթուրի մասին շատ եմ գրել, շատ եմ քննադատել, եղել են իրավիճակներ, երբ կասկածել եմ անգամ՝ գուցե անարդա՞ր եմ նրա հանդեպ: Հիմա գիտեմ, որ ոչ: Բայց ես չեմ կարևոր, այլ այն, որ Արթուրին ներեն իր իրավաբան ընկերները: Ծանր է և՜ իրավունք, և՜ ընկերություն պղծելը: Հանուն ազգակործան պատուհասի: Հանուն ոչնչի:
Հաջորդը ԲԴԽ-ն է: Կանխավարկածով չեմ քննադատելու Գ.Ջհանգիրյանին ու մյուսներին, որոնց շարքում էլ ինձ դասավանդողներ կան: Սպասելու եմ: Հերթով, կարգով, շարքով»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները