Մեր հայրը չպետք է մահանա գերության մեջ, հարազատներից հեռու. ընտանիքը փորձում է փրկել ԽՍՀՄ վաստակավոր բժիշկ Լալայանին, ով գերեվարվել է թշնամու կողմից

Ընտանիքը Վոլգոգրադից արդեն 6 ամիս է, ինչ փնտրում է 80-ամյա Վլադիմիր Աշոտի Լալայանին, որը կորել է Լեռնային Ղարաբաղում: Ինչպես հայտնել է «Высота 102»-ին նրա դուստրը՝ Էսթերը, Վլադիմիր Լալայանը Ռուսաստանի քաղաքացի է, բարձրագույն կատեգորիայի բժիշկ է, ԽՍՀՄ վաստակավոր բժիշկ։
«Մեր հայրը կորել է հոկտեմբերի 20-ին 2020 թ․ Լեռնային Ղարաբաղում։ Նա որպես հյուր էր մեկնել այնտեղ, նախքան պատերազմի սկսելը։ Լեռնային Ղարաբաղում արդեն իսկ տեղակայված էին խաղաղապահները, և մեր հորը պետք է տարհանեին։ Տարհանումից առաջ նա ցանկացել է վերադառնալ այն տուն, որտեղ ապրում էր, որպեսզի վերցնի փաստաթղթերը։ Դրանից հետո մենք նրանից լուր չունենք», — արցունքներն աչքերին պատմում է Էսթերը։
Ըստ Հայաստանի քննչական մարմինների տեղեկությունների՝ Վլադիմիր Լալայանը գե րության մեջ է Ադրբեջանում։ Սակայն մինչև հիմա 80-ամյա բժշկի հարազատները չեն կարողանում ստանալ այդ փաստի պաշտոնական հաստատումը և փրկել 80-ամյա բժիշկ հորը։
«Ուր ասես, որ չենք դիմել։ Ե´ւ Ռուստանի Արտաքին գործերի նախարարություն, և´ Ռուսաստանի, Հայաստանի ու Ադրբեջանի դեսպանատներ, և´ նախագահին, և´ մարդու իրավունքների պատպաին ՌԴ-ում, և´ նույնիսկ Մարդու իրավունքների եվրոպական դատարան։ Այնտեղից հարցում են ուղարկել Ադրբեջան, որ հաստատեն գ երիների ցուցակում կա արդյո՞ք Ռուսաստանի քաղաքացի Լալայան Վլադիմիրի անունը։

Սական Ադրբեջանը նման տեղեկություն չհայտնեց։ Մենք միայն կարեկցանքի խոսքեր ենք լսում, մեր դիմումները մի բաժնից մյուսն են ուղարկում, ինչի արդյունքում մենք փակուղու մեջ ենք հայտնվել» — ասում է բժշկի աղջիկը։
«Իմ հայրը մարդկանց երբեք չէր դասակարգում ըստ ազգության, կրոնի կամ դրամապանակի հաստության։ Նա մարդկանց կյանքեր էր փրկում ինչպես Ռուսաստանում, այնպես էլ Հայաստանում և Ադրբեջանում։ Բացի այդ, նա 1963 թվականի Կուբաում ռազմական գործողությունների մասնակից և հաշմանդամ է, բժշկական գումարտակի սպա է եղել։ Նա շատ մարդկանց է օգնել։ Մինչև հիմա մենք հիշում ենք, երբ մենք փոքր էինք, նա հաճախ այցելում էր Խանլարում ապրողներին, որոնք շնորհակալ էին հայրիկիս իրենց փրկելու համար։ Մի անգամ հայրս օգնել էր անտառապահ Կերր-օղլի Մամեդովին։ Հայրիկիս կատարած վիրահատությունից հետո նա ապրեց մինչև խոր ծերությունը։ Իսկ մենք ամեն ամառ հյուրընկալում էինք նրա ընտանիքին։ Նման մարդիկ, ովքեր երախտապարտ էին հորս, շատ էին։ Իսկ հիմա ստացվում է այնպես, որ նրան ոչ ոք չի՞ կարող փրկել» — չի հասկանում կինը։
Ապրիլի սկզբին Վլադիմիրի հարազատները Ռուսաստանի 80-ամյա քաղաքացու որոնման մասին դիմում են գրել Ներքին գործերի նախարարության գլխավոր շտաբին Վոլգոգրադի մարզում։

«Մենք հուսահատված ենք, հասկանում ենք, որ հայրիկիս պետք է փնտրեն դեսպանների, հյուպատոսների և դիվանագետների միջոցով։ Բայց այս հարցով ոչ ոք չի ուզում զբաղվել։ Մեր հայրը չպետք է մահանա գերության մեջ, հարազատներից հեռու։ Մենք հույսով ենք, որ մեզ կհաջողվի նրան փրկել։ Հասարակ մարդիկ չպիտի մեծ քաղաքականության զոհեր դառնան։ Եթե որևէ մեկը կարող է մեզ օգնել, մենք շատ շնորհակալ կլինենք», — եզրափակեց Էսթերը։