«Մանչեսթեր Յունայթեդը» կապ է հաստատել Ռոնալդուի գործակալի հետ

Թուրինի «Յուվենտուսի» պորտուգալացի հարձակվող Կրիշտիանու Ռոնալդուն ամռանը կարող է վերադառնալ «Մանչեսթեր Յունայթեդ»:

La Gazzetta dello Sport-ի համաձայն՝ անգլիական ակումբը ցանկանում է ձեռք բերել 36-ամյա ֆուտբոլիստին և նույնիսկ կապ է հաստատել նրա գործակալ Ժորժե Մենդեշի հետ: «Մանչեսթեր Յունայթեդ» վերադառնալու համար Ռոնալդուն պատրաստ է գնալ աշխատավարձի կրճատման, սակայն ցանկանում է ստանալ տարեկան նվազագույնը 20 միլիոն եվրո:

«Յուվենտուսի» հետ Ռոնալդուի գործող պայմանագիրը նախատեսված է մինչև 2022-ի ամառ: Նրա տարեկան աշխատավարձը կազմում է 31 միլիոն եվրո:

Հիշեցնենք, որ Պորտուգալիայի հավաքականի ավագը «Մանչեսթեր Յունայթեդում» խաղացել է 2003-2009-ը: Այս մրցաշրջանում նա «Յուվենտուսի» կազմում անցկացրել է 38 հանդիպում, դարձել 32 գոլի ու 5 գոլային փոխանցման հեղինակ: