Մեզանում գրեթե ուշադրության չարժանացավ Մերձավոր Արևելքում տեղի ունեցող մի չափազանց կարևոր գործընթաց
Մեզանում գրեթե ուշադրության չարժանացավ Մերձավոր Արևելքում տեղի ունեցող մի չափազանց կարևոր գործընթաց։
Մարտի կեսերին Թուրքիայի արտգործնախարարը հայտարարեց, որ Անկարան և Կահիրեն դիվանագիտական մակարդակում վերսկսել են շփումները, որոնք ընդհատվել էին 2013թ․ ի վեր, երբ Եգիպտոսում գեներալ Աբդ ալ-Ֆաթթահ ալ-Սիսին իշխանությունից հեռացրեց էրդողանական վարչախմբի հետ «գաղափարական եղբայրություն» ունեցող Մուհամմադ Մուրսիին։
Մյուս կողմից անցյալ շաբաթ եգիպտաթուրքական երկխոսություն ծավալվեց նաև «Մահմեդական ութնյակի» վեհաժողովում, ինչը ևս ցուցիչ է, որ Կահիրեն կարծես համաձայն է երկկողմ հարաբերությունները թշնամականից գոնե մրցակցային ասպարեզ տեղափոխելուն։
Ինչո՞վ է այս ամենը կարևոր Հայաստանի շահերի առումով։ Բնականաբար նրանով, որ Եգիպտոսը դիտարկվում էր որպես հակաթուրքական առանցքի ձևավորման կարևոր հիմնասյուն, մինչդեռ էրդողանական վարչախումբն ակտիվ ջանքերով փորձում է չեզոքացնել հատկապես Աթենքի գործողություններն այդ ուղղությամբ։
Սա ամենևին չի նշանակում, թե եգիպտաթուրքական հակասությունների բավական բարդ համաբույլն այլևս գոյություն չունի, սակայն ակնհայտ է, որ դա կարող է հայտնվել տիպաբանորեն նույն այն վիճակում, ինչ, դիցուք, ռուս-թուրքական և իրանաթուրքական հարաբերություններն են, որոնք խորքային իմաստով պարունակում են թե՛ մրցակցության, թե՛ գործակցության և թե՛ պարբերաբար մակերևույթ սպրդող թշնամանքի տարրեր։
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Առողջապահության նախարարությունը՝ Գագիկ Խաչատրյանի առողջական վիճակի մասին
Սիրո անունը Հայաստան է
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Հանրակրթական ուսումնական հաստատությունների ավագ դասարաններում ներդրվել է «Ճանապարհային երթևեկության ...
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների
Ընթանում է Գարեգին Բ-ի և 6 եպիսկոպոսի գործով դատական նիստը
Վաղարշապատի համայնքային ոստիկանները ձերբակալել են 1 տարի առաջ ծանր մարմնական վնասվածք պատճառած անձին
Հակակոռուպցիոն դատարանում շարունակվել է «Մարտի 1»-ի գործով դատավարությունը
Նոր հետիոտնային անցում և հասարակական տրանսպորտի կանգառի կետեր՝ Մինսկի փողոցում